ragazzi, mi è venuta un'altra idea ... che ne dite di trascrivere qua i vostri testi preferiti delle canzoni di davide o di altri? Io ne avrei molti, ma vorrei iniziare con questo:
l'omm de la tempesta .. se qualcuno si ricorda, io ero FEEL-DE-LA-TEMPESTA
L'OMM DE LA TEMPESTA
Quand l'è ruvaa nel port de marsiglia
l'ha cambiaa el maar cun't una tazza de Pernod
el s'è impiastraa de pagòòra e meraviglia
tòtt quell che gh'era ghe l'era in del paltò
Oecc de fieu in una facia de acqua dulza
un baretèn per fà parè de vèss francess
la schena larga cumè l'unda che se svòlza
e che la sbatt cuntra i ricordi e'l so paess
Ammò una volta in giir a naula sura un puunt
una furmiga che la rampega sura el mapamund
ammò una volta a scapa de la sua umbria
per setàss giò e ciciarà cun quela futugrafia
e i g'hann daa ceentmila nomm
ma l'onich che ghe resta
forsi l'è propri quest che...
E forsi basta mea fà una guèra
tajà cun't una forbis tutt el maar
quaand seet a cà gh'è quaicòss che te sutèra
e suta el tècc gh'è mea la Stela Pular
E podet beev mila tazz de camamèla
sarà i pensee ne la buteglia del vènn biaanch
a la tempesta basta mea na scudèla
perchè l'inchiostro de ogni viagg l'è nel to'saangh
Ammò una volta senza strada ne valiis
cumè una pianta che la ne va senza i radiis
ammò una volta senza spècc retruvisuur
i ricordi adree de cursa, ma lùù chè curr
pussèe de luur
e i g'hann daa ceentmila nomm
ma l'onich che ghe resta
forsi l'è propri quest che...
l'Omm de la Tempesta
E quèla zinghera setàda in sò la giustra
l'era un demoni o un angel senza i aal
lòò l'ha verdùù la sua man 'me 'na finestra
lee l'ha lengiùùda e l'ha vedòò quel temporaal
"Nareet in girr, o furestee, per tutt el muund,
ma anca el muund da una quaj paart el finirà,
una tempesta l'è difficil de na'a scuund
resta con me e la tempesta cesserà..."
l'è pussèe facil girà el muund
ciapà pesciaad de la mia umbrìa
che restà che insèma de te
e brusà qiesta futugrafia,
perchè i m'hann daa ceentmila nomm
ma l'onich che me resta
forsi l'è propi quest che:
l'Omm de la Tempesta
.. grazie per l'ascolto!
FEEL-GLASS